Hadien ka jing map ram nongrep jong ki sorkar Congress ha Madhya Pradesh bad ha Chhattisgarh, mynta ka sorkar BJP ha Gujarat, ka la rai ba kan map noh ia ka ram bai ding ilektrik, kaba shongdor T.650klur, na ka bynta kito kiba shong ha ki nongkyndong. U Saurab Patel, myntri kam bor ding ka Gujarat, u iathuh ba katei kan pynmyntoi ia ki 6.22lak ngut ki nongshong shnong jong katei ka Jylla. Kito kiba don ia ka ding kaba ki ring ha iing, ha ki jaka rep bad ki dukan ruh, kiba don ha ki nongkyndong, kin ioh ia katei ka jingmap ram, ong u myntri.
La iathuh ba kiba bun na kitei ki dei kiba la shah ot bor ding bad ka daw, ka long namar ba kim siew bait hang ding, lane ba ka dei na ka jingtuh bor ding.