Halor kane ka phang, ngi ki paidbah jong ka Ri Khasi Jaintia, ngi long ki jaitbynriew ba la pun la heh la san da kaba bam doh masi. Hynrei kyndit ka long kaba sngew lyngngoh kumno ka synjuk (KJBWA) ka khang ia ki paidbah ban bam ia ka doh masi, da kaba khang ban tied masi na ka iew masi ha Khanapara, Ri Bhoi Dsitrict kaba la ktah lang ia kiwei ki District, katba kane ka Synjuk kam da trei kam bha ha baroh ka Ri Khasi Jaintia bad kam ioh jingkyrshan na kiwei pat ki District, hynrei ki pyndonkam da ki kynhun sengbhalang bad mushlia lut sha kiwei ki district. Ka jingpyndait ia ki sohshkor da ka Veternary department ia ki masi, balei ba hap siew haduh Rs.60.00 tyngka u wei u masi khlem ka receipt da ka veterinary department ia kaba la pyrshah da ba bun ki nongshoh doh, hynrei la leh jubor baroh shikatta da kaba pyndonkam da kynhun seng ki sengbhalang.
Kane baroh ka long ka jingleh donbor bad iuh roit ia ka hok longbriew manbriew. Kumta ngi kyntu bor ka ain ba dei peit ban tuklar lem ia kane kam namar ka la ktah ia kiba bun ki paidbah nongbam doh masi ha ri Lum Khasi Jaintia, ym ban shu sngap ia kito ki khwan myntoi, bad nangno ki ioh ia ka bor ban khang ia ki iew ki hat, kane ka ktah shibun bad pynkhein ruh ia ka hok ba laitlud (Fundamental Rights) jong ki paidbah kiba bam doh masi. kane ka dei ka kam khaii shimet jong ki lada kim lah shuh ban ieng ki dei ban kynran dien, ym da ka ba pynsngewthuh bad ialam bakla ia ki paitbah. Kumba ka long haba phi sngew ioh nong ki ioh thiah Iyngngai wat lada don ka jing iaid masi sha ri Bangladesh, hynrei haba ki sngew duhnong ki khang noh ia ki iew ki hat kaba la ktah shibun ia ki paidbah.
U Syiem ka Hima Mylliem, ula dei ban pyrkhat ia kane ka kam bad ban ujor ejahar (FIR) pyrshah ia kito ki briew ba khang iew ba nangno ki ioh bor ban khang ia ka mon ba laitlud jong ki paitbah ban thied ia ki masi shoh doh na ki iew ki hat bad ki bor jong ka ain ki dei ban leh da kaba tyngeh namar ka ktah ia ki nongot duh masi ha kiwei ki ki District ruh bad kumjuh ia ki paidbah nongbam doh masi.
Ki ba burom iaphi
Bah S. Mawlong-Mairang
Bah l. Langstieh-Mawlai
Phi don ban ong eiei?