T.6.50 shi kilo, kiew dor ka shini reshon ha ka shisnem

Shillong,  20 Nailar:
Ka sorkar pdeng ka la pyntreikam ia ka rukom sam shini thymmai naduh mynshem snem u 2014. Ia kane ka shini rashon ka sorkar la sam sha man la kawei pa kawei ka long iing ha kane ka jylla.
Katkum ka ain wad jingtip  ba la ioh na ka ophis jong u Deputy Commissioner (Supply) ka East Khasi Hills la kdew ba ki la sei shini shisien shibnai na ka kudam MECOFED Meghalaya Mawlai Mawiong tang lai kilo shisien ha ka shi bnai. Kane ka jubab ba la ioh na ka supply ka long kaba sngew lyngoh bad sngew thamula namar ba kat na ka kudam ban leit sei shini ban sam pat sha ki padibah byllien da ki phew hajar ngut hynrei ki sei tang lai kilo. Hynrei, katei ka jubab, lehse, ka lah ban long kaba bakla, ha kaba ka tnat, ka shim ba la ai shini shisien shi bnai bad lai kilo sha kawei ka longiing.
Hynrei la kdew pat ba ia ka shini rashon la sam lai kilo sha man kawei pa kawei ka longiing bad ka dor jong ka shini ka long T.20 shi kilo.
Katkum ka jingtip na u joint Director ka Supply ka East Khasi Hills ia kine ki shini la sei na ka kudam MECOFED Meghalaya Mawlai Mawiong.
La pyni ba ha u snem 2014 ka dor jong ka shini ka long T.13.50p shi kilo bad ha u 2015 ka long T.20 shi kilo, ha kaba ka jingkiewdor dor ka long haduh T.6.50 shi kilo tang ha ka shisnem. Ia kane ka dor shini la bei ka sorkar pdeng T.18.50p shi kilo bad ka sorkar jylla ka la bei T.4.77p shi kilo.