T.6.30 klur, ka kuna na ki kali pynkheiñ Aiñ ha ka Jylla

Shillong, 31 Lber:
T.6.30 klur tyngka ka sorkar ka la ioh lum na ki kali bad ki thuk thuk kiba pynkheiñ Aiñ bad katei ka kuna ka dei kaba la lum san snem mynta kata naduh u 2012-2013 haduh u 2016-2017. Katei ka kuna ka dei kaba la lum na ki briew kiba niah kali bad ka bu-aid kyiad, kiba kren phone por dang ñiah kali, ki bym deng snieh, ki thuk thuk ba niah khlem jingsop khlieh, kiba pynher sted bad kiwei pat kiba pynkhein ia ki kyndon aiñ.
Ka kuna kaba heh heh kaba la iohlum ka dei ka East Khasi Hills kaba haduh T.3.76 klur tyngka , nangta bud sa ka Ri-Bhoi T.92.7 lak tyngka, ka West Jaintia T.49.9 lak tyngka. West Garo Hills T.34.8 lak tyngka, East Jaintia Hills T.30.9 lak tyngka, North Garo Hills T.3.7 lak tyngka, South West Khasi Hills T.1.9 lak tyngka, East Garo Hills T.1.2 lak tyngka. Ym shym la don ba shah dain kuna ha South West Garo Hills, Ampati.