T.5lak kurup sari ki shipai BSF na Muktapur & T.2lak ki masi

Shillong, 02 Naitung:
Ki shipai BSF kila ioh kurup jain saris kiba thmu ban shalan sha Bangladesh na Muktapur, West Jaintia Hills kaba don ha khappud ka India bad Bangladesh. Ki BSF kila ioh kurup ar song ki jain saris hynrei kim shym la ioh kem ia ki nongrah kiba don kumba 10 ngut eiei ia kine ki jain saris namar ba kilaphet krad noh shwa ban poi ki shipai.
Ki BSF ki la ong ba kine ki briew ki dang thmu ban kit tuh ia ki mar sha Bangladesh hynrei katba ki dang ia bun kam ban kit, ki BSF kiba don ha katei ka thain ki la mareh ban leit sha ki hynrei shwa ba kin poi ha ka jaka, ki la her krad noh soit khlem iohi shuh.
Ki la ioh kurup kumba 790 tylli ki jain sari bad 1215 metric ton ki jain kiba shong dor kumbaT. 8 lak. Ia kine ki jain la thmu ban shalan tuh na ki jaka bym pat ker sainar na Muktapur.
Ha kajuh ka por, ki BSF kiba don ha thain Pyrdwah ha East Khasi Hills kila ioh kurup 340 ki saris ba shong dor T. 4 lak. La iathuh ba ki jain saris ka India ki iaid iew bha ha Bangladesh.
Shuh shuh ki BSF nalor ki jain saris, kila ioh kurup ruh 12 tylli ki masi ba thmu ban shalan tuh sha Bangladesh na Nayabazar kaba don ha East Khasi Hills district. Kine ki masi ki shong dor T. 2 lak. Mynshem taiew ruh ki la ioh kurup 441 ki masi ba shongdor kumba T. 66 lak na ki 50 tylli ki jaka ha Meghalaya.