T.51lak mang U bah Sanbor, ia ki kam pynroi ka Cantonment Board

Shillong: Katkum ka tyllong khubor ka iathuh ba u Bah Sanbor Shullai MLA ka 19 Shillong South u la pynlong ia ka jingialang bad ban jurip ia ki jaka bahap hapoh ka Shillong Cantonment ban pyntrei ia ki kam pynroi haka 19 -South Shillong Constituency bala buh da u MLA u Bah Sanbor Shullai haka 9tarik Jylliew 2019 ba la synrang lang da U Headmen ka Village Council, ki nongtrei Shillong Cantonment Board,ki Ward Members of Shillong Cantonment Board bad ki Members of Cantonment Area Development Committee.
Shuh shuh, U MLA u la pynbna iaka song pisa ba T.51,00,000 na ka SUPW skhim 2018-19 bad 2019-20 ban pyntrei ia ki babun ki kam pynroi, na ka bynta ka jingbit jingbiang u paitbah ba shong ha ki jaka ka Cantonment Board.