T.50 kawei ka phom, na ka bynta kiba kwah kam pulit

Shillong, 20 Lber:
Naduh ka 15tarik Lber 2016, la sam ia ki phom, da kaba siew ha ka dor T.50, na ka bynta ban pyndap ia ki kam UB Sub Inspector 80+20 = 100 tylli, AB Sub Inspector 20+5 = 25 tylli. Nangta ki don sa lai jait ki kam UB, ki pulit langrut, Unarmed Branch 443+ 20 = 463, ki Firemen 31+10 = 41 tylli, Driver Firemen 5 + 5 = 10 tylli, MPRO Operator 86 + 10 = 96 tylli,WPC 13 + 10 = 23tylli. Nangta sa ki kam langrut AB Group 125+20 = 145 tylli, ki langrut State Battalion 500 + 40 = 540 tylli, ki langrut handy man 13+5 = 18, ki langrut Rider 2+1 = 3, ki langrut Driver 81+20 = 101. Ki kyndon ki bun bad kawei ka long, ba ki dei ban mareh 5 kilometre ia ki shynrang, hapoh 24 minit bad nangta sa 3 kilometre ia ki kynthei hapoh 14 minit. Ha katei ka jingialeh interbiw, kam don satia ka sobjek Khasi ne Garo, ba kin ialeh, wat la kitei ki dei ar tylli ki ktien kmie jong kane ka Jylla, hynrei la pyni, ba ki eksamin, ki dei beit tang ia ka English, Science, Arithmetic. La buh por ban thep kyrteng khadduh, [bteng sla 7]
haduh ka 30tarik Iaiong 2016, ha kaba la bthah ba uwei u kandidet, u dei ban thep tang kawei ka phom.
La pyni ruh, ba ka don ka jingthew lane kata ka physical measurement test, ia ka jinglong ka met jong ki kandidet, hynrei, ym shym la batai satia ha katei ka jingpynbna, la ka don ne em, ka jingiapher, ha ka jingthew jingwoh ia ka jingjrong jingheh shadem ryngkat bad kiwei, na bynta ki Khasi bad ki bar Jylla.
Ha kawei pat ka khubor, ka ophis jong U Director Higher and Technical Education, ka pyntip, ba don ki kam kiba lait ha Pinemount School bad kawei na ki kam, ka dei Asst Lecturer in Commere. Kiba kwah ban tyrwa ialade, ki dei ban long kiba la pyndep ia ka Master Degree ha ka Commerce bad kiba la pyndep ruh ia ka B.Ed. Kawei ka kam, dei ka Asst Lecturer in Business Studies bad ki dei kiba la pyndep ia ka Master Degree ha ka Commere with Business Studies bad kiba la pyndep ruh ia ka B.Ed. Dei ban thep ia ki kot ki sla, ha shwa ka 31tarik Lber 2016. Ha kawei pat ka liang, ka Civil Hospital, Shillong, ka pyntip, ba ka donkam ia uwei U Social Worker bad kiba la pyndep ia ka MSW/ MA Sociology ha ryngkat bad ka jingtrei kaba lai snem, ha ha Health & Research Project ki lah ban tyrwa ialade bad ka sngi interbiw kan long ha ka 22tarik Lber 2016, ha ka por 3baje nohsngi ha katei hi ka Hospital.