Ki napit khap shniuh, ki nongniah auto, ki nong sait jain ha Karnataka, kin ioh ia ka jing iarap na ka sorkar jylla, ha kane ka kynti, kum ka jingiarap ia ki paidbah na kane ka pakhang shnong Covid-19.
U BS Yediyurappa, myntri rangbah ka Karnataka, ula pynbna ba yn siew T.5,000 ia uwei uwei u nong saitjain, ha kaba ki don 60,000 ngut ha katei ka Jylla bad yn siew kajuh hi ka dor, ia ki napit khap shniuh, kiba don 2,30,000 ngut.
Ka khubor na ka Johns Hopkins, ka iathuh ba ha ki 24 kynta ba ladep, ki briew kiba iap, ki long 2,333 ngut. Ka jingiap ha katei ka Ri, ka la poi mynta sha ka 70,000 ngut, katba ha Britain, ka jingiap ka long 32,000 ngut bad ka jingiap ka la nang tam ia ka jingiap briew ha Italy.
Ha India, la iathuh ba ki don mynta sa 85 ngut ki BSF, kiba ioh jingpang Covid-19 bad baroh ki BSF, kiba ioh pang ki long 154 bad ar ngut na kitei ki la jem na ka jingpang.
Phi don ban ong eiei?