T.4klur sei ki Muslim ia ki pisa napoh Bank, naba pan da ka NPR

Chennai/Thoothukudim:  Ha ka 11tarik mynta u bnai, la pynmih ia ka jing pynbna kaba heh bha ha ki kotkhubor ha Tamilnadu bad katei ka la bthah ia baroh ki nongthep account hapoh Bank, ba kin pyndap kyrteng hapoh bank kaba la tip kum ka KYC lane Know Your Customer (KYC) bad ha ki dulir kiba la thoh, la bthah ban leit rah ruh ia ka National Population Register (NPR), kum kawei na ki dulir.

Katei ka jingjia, ka la pyntieng her ia ki Muslim ha ka shnong Kayalpattinam ha Thoothukudi district.

Katei ka jing pynbna, ka la pynlong ia ki Muslim, kiba don ha katei ka shnong, ba kin ia leit khohreh sha Bank bad naduh ka 20tarik haduh ka 22tarik Kyllalyngkot 2020, kiba bun ki nongshong shnong jong katei ka shnong, ki la sei lut noh ia ki pisa jongki napoh Bank bad kaba kot baroh sha ka T.4klur.
U Ahmed Sahib, u riewsaid na Kayalpattinam, u ong “Ngim don daw eiei pyrshah ia ka Central Bank of India, hynrei ka shu long ba ki nongshong shnong ki sngewkhia halor ka jing dawa ia ka NPR, kum ka dulir ban pynshisha ha ka KYC bad kane ka la pynogn ia kiba bun, ba kin sei noh ia ki pisa jongki napoh Bank. U Sahib, u iathuh ba ula sei ia ka pisa jongu, kaba don T.3.5 lak ha katei ka Bank.
Kumba ka long mynta, ki don bun bah ki Muslim kiba tieng ia ki ain kiba ka sorkar India, ka pyntrei kam kum ka National Population Register (NPR), nangta ka National Register of Citizens (NRC) bad ki Muslim, ki shim ba kine ki ain, kin buh jingeh shi katdei ba kin pynshisha ia ka jinglong nongshong shnong jongki bad ba kin sei ia ki dulir kiba pynthikna ia ka jinglong trai shnong ha India da ki bun bun pateng briew.