Shillong, 9 Lber:
Ka tamasa pyni phlim kaba ar ne ka 2nd Indian Panorama Film Festival (IPFF) kan long ha nongbah Shillong naduh ka 12 tarik haduh ka 14 tarik Lber ha U Soso Tham Auditorium ha kaba ia ka phlim Khasi ka Ri yn pyni paidbah ha kane ka tamasa.
U director ka Information and Public Relations u Bah HM Shang pliang u la ong ba kane ka tamasa phlim yn wan ban pyni da ki phlim ba bun jait na kylleng ka ri bad ka jinglut ha kine ki lai sngi kan long haduhT. 40 lak kaba kham duna ia ka jinglut na kaba mynshem snem.
U Bah Shangpliang u la ong ha kane ka sngi nyngkong sha ki lad pathai khubor ba ka kyrteng jong ki briew ban wan ha kane ka tamasa kan long na kylleng ki jaka jong ka ri.
Nalor ka jingpyni phlim, kan don ruh ka jinghikai kum ka workshop ia ki samla pule bad yn wan ban iashim bynta ki nongshna phlim na kane ka jylla bad nabar ruh kumjuh.
Ki nongiashim bynta kin wan na jylla Nagaland, na Assam bad na kiwei ki jylla, la ong u Bah Shangpliang.
Phi don ban ong eiei?