T.4.74 klur, buh maw nongrim dorbar thymmai ka KHADC

Shillong, 29 Nailar:
U Bah Pynshngain N Syiem , CEM ha ryngkat ka jingiadonlang u Chairman ka Khasi Hills Autonomous district council (KHADC) Bah Fabian Lyngdoh u la buh ia u mawnongrim na ka bynta ban shna ia ka Ing dorbar ba thymai ka KHADC kaba la mang ban tei ha ka jinglut kaba T.4.74 klur tyngka.
U CEM mynta ka sngi u la plie ruh ia ka Auditorium ba thymmai ka KHADC. Haba ai jingkren u CEM u la ong ba ka jinglah ban wanrah ia ki jingtei kiba thymai kin iarap ban pyndep ia ki ba bun ki jingdonkam ka KHADC. U la kular ruh ba ka EC kaba mynta ka KHADC kan ia leh katba lah ban pynbiang ia baroh ki jingdonkam khnang ba kan ym wanrah jingeh ia u paidbah uba wan na ka bynta ka jingdonkam sha District council.
CEM u la plie ruh ia ka website jong ka Tamasa Monolith Festival kaba ka KHADC kan pynlong ha ka 25 bad 26 tarik ha Mawphlang . ka website ka dei www.monolithfestivalshillong.com. La wan ban ia shim bynta da ki baroh ki EC ka KHADC, ki MDC bad ki nongtrei jong ka District Council.