T.34klur, ka jinglut, ha ka bai shong helicopter U MR Assam

Guwahati:Ka Ophis treikam jong u Myntri Rangbah jong ka jylla Assam (CMO), ka la pynlut haduh kumba 34.13 klur tyngka ha u snem 2023, tang ka bai shong helikopter bad kiwei pat ki liengsuiñ bad ka dei ruh ka jingpynlut ba heh tam.

Kane la ïathuh da u Myntri jong ka Tnad General Administration Department (GA D), u Ranjeet Das ha ïingdorbar thawain jong ka jylla Assam, haba jubab ia ka jing kylli, ba la buh da u MLA jong ka parti Congress u Sibamoni Bora.
U Das, u la ïa thuh ba ka jing pyndonkam ia ka heli kopter ka dei shi bynta ka jingleit jong u Myntri Rangbah jong ka jylla sha ki kylleng ki bynta jong ka jylla ban leit don bynta ha ki prokram bapher bapher.

U la ong ruh ba ka CMO ka pynlut 5.01 klur bad 8.09 klur ha u snem 2018-19, ha u snem 2019-2020 pat 6.09 klur bad 10 klur tyngka, ha u snem 2020-21, 25.05 klur tyngka bad ha u snem 2021-22 kumba 19.71 klur tyngka, ka sorkar ka la pynlut.

Kiba bun na ki nongpyndonkam ia ki social media, ki la buh jingkylli, haba iadei bad ka jingpynlut phut jong ki heh sorkar ha kaba leit jingleit da ki helicopter bad kiwei pat ki liengsuiñ.