Shillong:U Myntri Rangbah ka jylla ula pynbna ba ka sorkar kan iarap T. 3 lak sha kiba haiing jong uba khlad ha ka jingngat bih na ka bam ha Karnataka.
Haba pynpaw ia ka jingsngewsih halor kane ka jingjia ha ka rynsan social media, u Myntri Rangbah ula thoh, ba ka long kaba pang mynsiem haduh katta katta ban tip ba sa uwei u khynnah na Meghalaya ula khlad noh ha Karnataka. U la phah ia ka khubor sngewlem sha kiba haiing halor kane ka jingjia.
Ula pynthikna ba ka sorkar kan bei ia ka jinglut jingsep jong ka jingshah sumar jong ki khynnah kiba dang don ha jaka sumar bad ka la phah ruh ia ki ophisar ban leit sha katei ka jaka.
Lah ban kdew ba u Khrehlang Khongtani, na shnong Lyndem uba pule VII ha skul Gokul ha T. Kagepura Village, Mandya District, Karnataka ula khlad na kane ka jingjia.
Ki don 28 ngut kiba kem pang na kane ka jingsniew ka bam ha katei ka jaka bad 23 ngut ki dei ki khynnah na Meghalaya.
Ka sorkar Meghalaya ka la phah ia u Inspector of Schools bah P. Sunn bad u Sub-Divisional School Education Officer bah R. Kharsyntiew na ka District MIS, PM-POSHAN ban leit sha katei ka jaka kaba jia ban ai ka jingiatreilang bad ki bor ka sorkar Karnataka bad ban iarap ia kiba haiing jong ki khynnah ba shah ktah ha kane ka jingjia.
Phi don ban ong eiei?