Nongstoiñ: Ka skul Shohphria Government LP School kaba la seng naduh u snem 1956, ka dei kawei na ki skul kaba la rim bha hapoh ka thaiñ West Khasi Hills bad katba nang iaid ki snem katei ka skul kala mad ia shibun ki jingeh namar ba katei ka skul ka la sdang sniew bad ban jot noh, namar ka jingshah iehnoh bein ha kiba bun ki liang.
Wat hapdeng kiba bun ki jingduh jingkyrmen pynban katei ka skul mynta u snem ka la ioh ban mad ia ka jingkyrkhu kaba khraw, khamtam ba ka la lah ban shna pynbha bad ban maramot noh ia katei ka skul hadien ba u Myntri Rangbah ka sorkar Jylla u Conrad K. Sangma u la noh synniang sha katei ka skul na ka tulop kaba 1 bnai tam ka jong u kaba kot haduh 3.14 Lakh tyngka.
Ia katei ka skul la wan ban plie hi noh da u Myntri Rangbah mynta ka sngi ha ryngkat ka jingiadonlang u MLA ka Nongstoiñ Konstitwensi u bah Macmillan Byrsat, u Joint Secretary jong u Chief Minister u Arun Kumar Kembhavi, u bah K.L Nongbri I/c DC ka WKHD, u bah G.D Kharwanlang SP ka WKHD, u bah S. Warjri EAC bad kiwei kiwei.