T.29.24 klur, pynlut ka sorkar, ban ialeh pyrshah ia ka khlam covid

Shillong: Ka sorkar jylla, ka pynlut T.29.24 klur, na ka bynta ban ialeh pyrshah ia ka khlam covid ha ka jylla.
Ha ka jingkren jong U Satya Pal Malik, u Lat ka jylla, mynta ka sngi, ha ka sngi sdang jong ka dorbar jylla, u iathuh ba ka ophis jong u myntri rangbah, lyngba ka Chief Minister’s Special Development Fund bad ka Chief Minister’s Special Grant, la pyniaid ia katei ka jinglut ha ka khlam covid 2021-22.

Na katei ka jinglut, ka kynthup ia ka T.50 hajar, kaba la siew ha kito kiba iap, kaba sdang naduh ka 1tarik Iaiong, 2021, ong U Lat bad la pynlut T.4.7klur, na ka CMSG, ban thied ia ki tiar ki tar, ia kiba don ha ka jingshong kyrpang ha iing bad na bynta ki Community Covid Management Teams.