T.27 shisngi = T.50hajar san snem, ong u heh RBI ia ki samla pule

Jowai, 23 Iaiong:
U T Lhundim, U Deputy General Manager jong ka Reserve Bank of India, Shillong, u iathuh ba ka long kaba donkam shibun eh, ban pynmlien ia ka kam pynlum pisa ha ki Bank, ia ki khynnah skul.
“Ki samla pule, ki dei ki lashai jong ka ri bad ka jaitbynriew bad kumta, ka donkam ban hikai ia ki, ba kin sngewthuh ia ka kam pynlut bad pynmih pisa” ong U Lhundim ha ka jing ialang jong ka RBI, kaba la pynlong ha Tpep-pale Secondary School, Jowai.
U la iathuh ba ki kmie ki lah ban pynlang pisa haduh T.50 hajar ia la ki jong ki khun, lada jia, ba ki pynlang tang T.27 shisngi bad katei kan poi sha ka T.50hajar ha ka san snem.
Na ka liang jong U Nabin Khakhlary Manager, ka RBI Shillong, u hikai ia ki khynnah, ba kin ithuh da kaba suk, ia kaei ka pisa kaba sniew bad kaei kaba bha. U Nabin, u iathuh ruh ba ka pisa khutia 50 pisa, ka dang iaid bha ha kine ki sngi bad kito kiba don ki lah ban pynphai sha ka Bank. Katei ka jingkylli, ka mih, namar ba ki don kiba iathuh ba ha Jowai, kim ju shim shuh ia ka pisa khutia jong ka shi piah.
U Nabin, u iathuh ruh ba ha u snem 2016, yn sa don uwei na man kawei pa ka

iing, ki ban don pisa hapoh Bank bad ka RBI, ka la bthah ia baroh ki Bank, ba kin pynshlur ia ki paidbah, ba kin buh pisa hapoh Bank.