Shillong:Ka Hynniewtrep Integrated Territorial Organisation (HITO), ka la ai dor khas mynta ka sngi, sha U Satya Pal Malik, U Lat ka Jylla bad ha katei ka dorkhas, ki la dawa ban pynkut por noh ia ka samoi trei kam ki District Council, ha ka jylla bad ban pyntrei kam noh, da ki Administrator, na ka bynta hynriew bnai, khnang ba ki District Council, kin lah ban pynbiang ia ki jing khein jingdiah lem bad ki jingshisha, kum ba la kwah da U Comptroller General of India.
Na ka liang ka HITO, ka kynnoh ruh ba ki District Council, ki la ioh pdiang ia ka pisa kaba T.567.71 klur, ha kaba ki la ioh ia ka Central Grant ha u snem 2015-20, hyn rei, la iathuh ba ki ADC, ki pyndonkam ia katei ka pisa tang T.302.13 klur lane 53 percent, na ka pisa, kaba ki la ioh. Ka seng, ka ong ruh, ba ka jingbym ai jingkhein, ka pyni, ba ki District Council, kim pynshai satia, ba kumno, ki pyniaid ia katei ka pisa, kaba ki la ioh bad ka HITO, ka sngew ba kaba kum katei ka jingleh, ka dei ban don ka jingtohkit, ha kaba yn khlieh da ka CBI.
Ka HITO, ka ong ba ka long ka jingdkoh kaba khraw haduh katta katta, na ka jingbym ai jingkhein, halor ka jing bym pyndonkam ia ka pisa kaba T.265.58 klur, kaba dei naduh u snem 2015-2020.
Katei ka seng, ka pynsngew ruh halor ka jing donkam, ban pynduh jait noh ia ka jingsngew politiks, ha ki District Council, hynrei, ba dei ban jied da ki briew kiba don bynta ha katei ka Council, ha kaba kiba long dkhot, ki dei ban long ki Syiem, Lyngdoh, Sirdar, Wahadar & Dolloi of Hima/Elaka na Khasi & Jaiñtia Hills bad ba ka por treikam jongki, kan dei kaba tang shisien ar snem, kumba la jied ia ki 89 ngut ki dkhot da ki Hima bapher, ha kaba la ithuh da U Lat ka Assam, ha ka 29tarik Iaiong 1949.
Katei ka seng, ka sngewkhia ruh halor ka jing pyntreikam ia ka Special Scheme, ha kaba ia katei ka pisa, kaba la bei da ka sorkar India, la ia sam hapdeng ki MDC, kiba don ha ka liang synshar bad la ai jingmut ruh ba ki khlieh nongsynshar na Khasi, Jaintia bad Garo, ba kin long ki lamphang jong ki District Council.
Ki MDC ki ong ba um don pisa ba ki don haka bor iba rit…Kane ka council ka lah fail.Kam.iahap shuh ban don district council..kam lah ban wanrah development.kam lah ban teh lahkam iaki bar jylla ba plie dukan khlem trading licence..Kane ka council ka khlem lah ban wanrah Jing kylla haki 6 th schedule areas.Kam lah ban pynbiet ki Jing huri hura hapoh ki shnong ki thaw..Kane ka council kam shy lah iada iaki Kam ki jam u trai muluk..Kane ka council ka dang ai trading licence wat ba haka ain ka batai shai ba nym dei ban renew ne ai thymmai licence Lada u trai muluk u lah2 is kito kinkam ba lah trei u bar jylla.