T.25hajar, shah lute u rangbah

Jowai, 30 Lber:
Uwei u briew uba la tip kyrteng kum u Deimi Lyngdoh uba na ka shnong Thadmuthlong B, West Jaintia Hills, u la shah shoh shah bom haduh bym tip briew shuh bad shah lute ruh haduh 25 hajar tyngka nalor ka Mobile Phone bad kiwei kiwei ki tiar.
Kane ka la jia ha ka miet sngi Nyngkong ha ka por 10 baje katba utei u Deimi Lyngdoh u dang leit lynti sha iing da ka Kali (Ford FIgo) kaba don ia u No. AS-01-BE-4280.
La iathuh ba katba u dang niah ia ka kali jong u, la wan kawei ka trok bad ka la tynrah ia ka kali jong u. Ia u driver bad kiba don hapoh katei ka trok um lah satia ban ithuh.
Hadien ba katei ka trok ka la dep tynrah ia ka kali jong u, u driver katei ka trok ha ryngkat ki paralok jong u ki la hiar ban bom ban shoh ia u haduh un da iapler bad ki la lute pat sa ia ka pisa 25 hajar tyngka, kawei ka Mobile Phone bad kiwei kiwei ki tiar kiba don hapoh katei ka kali jong u.
Ki pulit ki dang thwet ia kitei ki runar ban pynshitom ia ki katkum ka ain.