T.21 klur, tam ka tyngka u Purno

Shillong, 21 Lber:
U Purno A Sangma u kyrtong ka NPP na Tura Seat, uba long ruh u Lam phang barim ka Ing Dor bar Lok Sabha u la long ar shah ha ka jinglong rangbah ban ia u kyrtong ka Congress u Daryl William Momin uba dang 27 snem karta. Haba phai sha ki jingdon jingem ruh kiba kitei ki ar ngut ki kyrtong ki la pyntip sha ka tnad elekshon la iohi ba u Purno A Sangma u kham don pisa bun shah ban ia u Daryl.
Katkum ka jingai jingkhein jong ki, u Purno A Sangma u don pisa haduh T.21,39,14,618 klur tyngka, T.3,12,53,504 ka pisa jong u bad T.18,26,61,114 klur tyngka ka pisa ka lok jong u, Daryl u don pisa tang T.12,50,390 lak tyngka kaba long khyndiat palat haba ia nujor bad ka pisa u Purno.