T.20klur bei ka sorkar Jylla, namar ka tulop ki nongtrei GHADC

Shillong:Ka sorkar jylla, ka la siew T.20klur sha ka Garo hills Automomous District Council (GHADC), ha kaba ia katei ka pisa, la siew da ka Minerals Resources Department.

Katei ka pisa, ka mih, hadien ka jing ia kynduh jong U Rakesh A Sangma, Chief Executive Member ka GHADC, ia u Conrad Sangma, myn tri rangbah ka jylla, kaba la long ha ka taiew ba ladep.

Katei ka pisa kaba T.20klur, ka dei kaba la soi da U F R Marak, Under Secretary jong ka sorkar Meghalaya, Mining and Geology Department, ha kaba la siew ia katei ka pisa, kum ka jingsiew boina, na bynta ka khajna jong na ki mar poh khyndew sha ka GHADC.