T 1lak siew sha uba ktah khlieh, hukum ka High Court ia ka DC rNaba set along bein ka shnong Ngunraw

Shillong, 17 Jylliew: 
Ka  Kashari High Court Meghalaya lyngba ka Division Bench ha kane ka sngi Balang ka la hukum ia ka Deputy Commissioner ka South West Khasi Hills, ka Kong Ripnar Lyngdoh bad ia u District Medical Heath Officer (DMHO) ka  district ban siew bai buria T. 1 lak ia ka bai sumar ia u Bah Slinder Turnia  uba don jingktah khlieh bad shah set along beain ha ka Dorbar Shnong da ka jingkyrpad kiba haiing hasem.
Haba bishar ia kane ka kam mynta ka sngi, u Chief Justice Uma Nath Singh bad u Justice TNK Singh ki la ong ba ka Deputy Commissioner  bad u DMHO kin siew ia ka pisa katkum ka jing donkam jong u Bah Slinder Turnia.
Shwa ia kane, na ka liang u nongiasaid ain ka sorkar u Bah ND Shullai u la ong ha ka Division Bench ba ka tnad kam ain ka jylla ka la pynkhreh ia ka banker cheque kaba T.1 lak ban siew bai sumar ia u Bah Slinder Turnia.
Ha ka jingbishar kaba long ha ka 15 tarik Jylliew, ka Deputy Commissioner ka la ong ba ka sorkar kan siew ia ka bai buria ia u Bah Slinder Turnia.
Ka Deputy Commissioner Kong Ripnar Lyngdoh bad u Superintendent of Police (SP) ka South West Khasi Hills u M.G.R. Kumarha kane ka sngi Nyngkong u la panmap kylluid na ka Kashari High Court  ka Meghalaya halor ka jingshah set along beain jong u Bah Slinder Turnia ha ka Dorbar Shnong  ka Ngunraw.
Ka Division Bench ka Kashari kam shym la pdiang ia ka jingpan map kylluid khlem buh kyndon jong ka DC bad u SP hynrei ka pdiang ia ka jingsiew buria ka DC kaba T. 1 lak. Ka Kashari ka pdiang ruh ia ka jingkular u SP ba un suspen ia u officer in-charge (OC) kaMawkyrwat PS  halor ka jingleh torti ia ka kamram ba la bynshet.