T.19 hajar dain kuna,na 21 tylli ki kali

Shillong, 9 Nohprah:
Ha ka miet 8 tarik mynta u bnai, ki pulit ki la ioh bat 21 tylli ki kali kiba pynkhein ia ki kyndon ha surok, kitei ki kali kiba la shah bat ki dei kiba la iaid ha ka lynti bym shah ban iaid. Na ka 21 tylli, 16 tylli ki dei ki kali rit katba 5 tylli ki dei ki trok, kitei ki 21 tylli ki kali ki la pynkhein ia ka kyndon iaid kali ha kaba ki la iaid na ka jaka bym shah iaid kali kaba don hadeng ka Barik bad ka Civil Hospital. Na kitei ki 21 tylli ki kali ki pulit ki la ioh lum T.19,500 tyngka ka kuna. U SP East Khasi Hills u bah M.Kharkrang u la ong ba ki pulit pyniaid kali kin dang iai bteng ka jingpeit ia ki kali pynkhein kyndon.