Shillong:U Myntri ba peit ia ka tnat Food & Civil Supplies ka Jylla, u Bah Comingone Ymbon u la kyntait ba ka don ka jingkiewdor ba palat pud ki marbam hapoh ka Jylla, ha kaba u la ong ba ka jingiapher ka long tang khyndiat lada ianujor ia ka dor ka mur bad kiwei ki jylla.
U la ong ba ka jingbym don ka lynti Rel kadei kawei ka daw ba kiew dor ki mar ki mata namar ha Meghalaya baroh ki mar la shaniah beit na shabar bad ki wan lyngba ka surok, ha kaba u la ong ba ka dor u khaw ka duna ha Garo Hills bad ka iapher haduh 13 tyngka shikilo bad ka dor ha Shillong, namar ha North Garo Hills ka don ka lynti Rel ha Mendipathar.
U la ong ruh ba ka daw jong ka jingiapher ka dor bad kiew ha Meghalaya kadei namar bym beit shuh ka lynti ban pynpoi marbam sha ka Shillong hadien ba la khang iaki kali heh ban iaid lyngba na jingkieng dam Umïam.
Kane ka jingkren u Myntri ka la mih ruh hadien ba ka Voice of the People’s Party (VPP) ka la pynlong ka jingiakhih mynta ka sngi ka 13 tarik Nailur halor ka jingkiewdor ki marbam.
Halor kane ka jingiakhih jong ka VPP u Myntri u la ong ba ka dei tang ban ioh jingmyntoi ka Party, da kaba ialam bakla ia ki paidbah, kiba lui lui.
U Bah Coming u la ong ba ka jingkiew dor ka don ha ki katto katne ki marbam kum ki jhur bad ka doh namar jan baroh ki mar la shaniah beit na shabar Jylla.
Ha kajuh ka por u Myntri u la iathuh ba na ka por sha ka por ka tnat ka ju leit jurip ban pynthikna ba ki dukan die marbam kin buh ia ki dor hakhmat dukan, bad lyngba ki Deputy Commissioner (DC) la bun ruh ia ka Price Monitoring System ban tehlakam iaka jingiadie palat dor.
Ka jingdon ki lynti rel bad ki jhad bad ki jaka hiar liengsuin bad ki karkhana bapher bapher ha ka jylla Tamil Nadu hynrei u khaw, ki jhur, ki soh, ki jain, ki tiar, ka sha, coffee bad kiwei kiwei ki mar ki rem dor. Ki marbam ruh kim dei shuh ki Original ki nuksa kum ki Ginger paste, ki shynrai, ki chillies powder. ki masala, ki umngap, ki khi bad kiwei kiwei. Nalor kata sa ki steshon rel, ki jaka ieng ki bus bad ha ki katto katne ki shnong ki don sa ki Trangenders kiba pan ki pisa na kat ki briew ba ki iakynduh. Da poi ki lynti rel ha Shillong, ha Byrnihat…phin sa iohi ba ki Transgenders kin sa don ha ki steshon rel bad kin sa khrong pisa na kat ba ki iakynduh hapoh ki rel. Dang lah ba pynheh bad pynbha ia ki Airports bad pynheh ia ki surok iaid Kali NH, SH, roads khnang ba ki bar ri kin bun ba kin wankai shangpyrthei sha Meghalaya bad ki trai jylla ki lah dei ban seng hi ia ki karkhana bapher bapher ba kin pynmih ia ki products na ki jingthung kiba don ha ka jylla Meghalaya…. Dang lah ba pynmih da ki Metro Station kum ha nongbah Shillong, Jowai, Tura, Williamnagar,Baghmara, Sohra, Nongstoin.. Sa ia pyrkhat hi maphi na ka bynta ki lynti rel