T.13 klur siew bai hospital ka Sorkar, ia kiba pang

Shillong, 4 Nohprah:
Ka Megha Health Insurance Scheme (MHIS) kan sdang
biang ia ka synjam kaba ar ban pynrung kyrteng ia ki briew kiban ioh
bynta ha kane ka skhim MHIS.
Haba iakren bad u State Manager jong ka MHIS u Bah Larry Rymbai u la ong ba bun kiba la ioh jing iarap na kane skhim khamtam ki briew ba duk na nong kyndong.
U la ong ba myn shem snem ki briew kiba ioh jingmyntoi na kane ka MHIS baroh ki don kumba 30 hajar ngut bad ka jinglut baroh ka la kot sha ka T.13 klur eiei.
Katkum ka jingiathuh u Bah Larry, mynshem snem ka jingpynrung kyr teng baroh ki don kumba 1.6 lak bad la shem snem 2015 ki la buh thong ba kin pynrung kumba 6.5 lak.
Mynshem snem, ka sorkar ka la jied ia ka ICICI bank ban pyntreikam ia kane ka skhim bad mynta ka sorkar ka la aiti sha ka New India Assurance (NIA) ban pyntreikam ia kane ka skhim na bynta lai snem.
La iathuh ba ka sorkar ka ai por ia ki hapoh saw bnai ba kin pyndep ia ka jingpynrung kyrteng thymmai bad na ka liang jong ki la buh ba shwa ka 15tarik Kyllalyngkot 2015 kin pyndep. Lah ban kdew ba ka jingpynrung kyrteng mynshwa la pynshangeh shwa
shipor namar ba ujor mukotduma ka kompeni Insurance pyrshah ia ka sorkar.
Ka National Life Insurance of India ka la ujor mukotduma ia ka sorkar hadien ba ka la shah kyntait ha ka jingthep tender ia ka ka skhim MHIS
namar ba kam biang ki kot ki sla.