Shillong:U bah Prestone Tynsong, symbud myntri rangbah ka jylla, u iathuh hynnin ka sngi, ba ki don bun ngut ki myntri sorkar jylla lem bad ki MLA, kiba ioh ia ki shithi dawa pisa, na ka seng kaikhlaw HNLC bad katei ka dei dang ha ki khyndiat sngi ba ladep.
Ki pulit, ki dang pynlong ia ka jing tohkit halor kane ka jingjia, hadien ba shibun ki MLA bad ki myntri sorkar, ki ioh pdiang ia ka shithi dawa pisa kaba T.10lak, kum ka khajna sha katei ka seng, ong shuh ka khubor.
La iathuh ba kitei kiba ioh pdiang ia ki shithi dawa pisa, ki ioh lyngba ki mesej lane lyngba ki jingthoh ha ki whatsapp number jongki, ong u symbud MR. Ym tang katta, la iathuh ba katei ka jing dawa pisa, kam dei tang ia ki MLA ne ki myntri sorkar, hynrei, ka dei ruh ia shibun bah ki nong khaii, ha kaba la phah da ki mesej sha ki mobile phone jongki.
Phi don ban ong eiei?