T.10,000 ia kiba pang covid, pan boina lypa ka NEIGHRIS, ujor sha U MR

Shillong:Ka Hynñiew trep Integrated Territorial Organization (HITO), Central Body, ka la thoh sha U Conrad Sangma, myntri rangbah ka jylla, ka pyntip ba ka hospital NEIGHRIMS, Shillong, ka la bthah ia ka MHIS, ba kan plie ia ka account lajong kaba kyrpang, na ka bynta ki nongpang covid, kiba leit shah sumar ha katei ka hospital bad ba kin siew pisa pat sha ka NEIGHRIMS.

Nangta, la iathuh ruh ba ka NEIGHRIMS, ha kine ki sngi, ka dawa, ba uwei uwei u nongpang covid, uba leit shah sumar, ha katei ka hospital, u dei ban siew pisa lypa shiphew hajar sha katei ka hospital.

Nangta la ong ruh ba ka rukom trei kam jong ka skhim MHIS, kam shym long kaba biang satia, namar ba ki hospital bapher, kim kit khia satia bad ba ki ialam bakla pynban ia kito kiba leit shah sumar ialade.