Shillong:Ka seng saiñ pyrthei, ka Meghalaya Trinamool Congress, ka pynbna paidbah ia ka jing kular ba nyngkong ka jong ka sha ki paidbah nong shong shnong jong ka jylla, kum shibynta ban wanrah ia ka roi ka par ha ka jylla.
Ha ka jing ialang ba la pynlong ha Soso Tham Audi torium, ka khliehduh jong ka seng All India Trina mool Congress (AITC), kaba dei ruh ka myntri rangbah jong ka jylla West Bengal, ka la ioh ban pyllait paidbah ia kawei na ki thong ba lada ka TMC, kan ioh synshar ha u 2023, ka skhim ba la ai kyrteng kum ka Meghalaya Financial Empowerment Schemes (MFI WE schemes), yn sa pyntreikam pura ha ka jylla Meghalaya hi baroh kawei.
Lyngba kane ka skhim baroh ki longkmie ha man la kawei pa kawei ka long ïing ha ka jylla kin ioh ia ka pisa ba 1000 tyngka man la u bnai, 12000 tyngka shi snem ka ban sa phah lyngba ka bank account ka jong ki. Kane ka skhim ka dei kawei na ki skhim ba ka sorkar jylla jong ka West Bengal ka la pyniaid sha khmat ia kane ka skhim ba la tip ha jylla West Bengal kum ka Lakshmir Bandhar Schemes, kaba la ai jingmyntoi ruh ia palat 1.8 klur ngut ki longkmie ha katei ka jylla. Kumta ka Meghalaya Trinamool Congress ka don lem ka thong ban iarap ia ki longkmie ha ka jylla, lyngba kiba kum kitei ki skhim ki ban iarap ia ki longkmie.
Ban ioh jingmyntoi na katei ka skhim ki longkmie ha ka jylla ki hap ban pynrung kyrteng ia lade lyngba kino kino ki jing pynshisha kum ki adhar card,epic, khnang ba kin pyntikna ban ioh ia katei ka skhim. Lyngba kane, ki long kmie jong ka jylla Meghalaya kin long ki ba lah ban ieng ha la ki kjat. Kane ka card kan pyntikna ba baroh ki longkmie hi ki dei ban ioh, la ki dei ki ba ba dang marwei, lah don khun, kiba lah trei ruh kin ioh beit ia kane bad yn phah kyrpang ia ka pisa jong ki sha ki bank account jong ki nong ioh jing myntoi.
Ban ioh jingmyntoi na kine kine skhim ki long kmie ki lah ban ai misscall ha u number 9687796877, lane ki lah ruh ban leit lyngba ka website www.tmcwecard.com khnang ba kin lah ban download ia ka card.
Haba iadei bad kane, ki nongtrei jong ka TMC, kin leit jngoh ban pynsaphriang sha man la kawei pa kawei ka long ïing ha ka jylla, ha kaba palat 10,000 ngut ki nongtrei jong ka parti kin don bynta na ka bynta ban pynsngewthuh ia ki paidbah shaphang kane ka skhim, ka ban ai jing myntoi ia baroh ki longkmie ha ka jylla Meghalaya.
Nga te nga ong wat jy ia biej mo ioh iaka ing ka sem ka khyndew ka shyiap jong phi ioh sa duh lud baroh, da pyrkhat ioh babe kylla.