Syrtap da ki hajar tylli ki puit, ha ka lyngkha rep kait hajan Tynghor

Shillong: Myn hynnin ka sngi, ki puit, kiba da ki hajar tylli, ki la leit syrtap ha kawei ka lyngkha rep, kaba don ha Nongthymmai, kaba don hajan Tynghor, ha West Khasi Hills.

Haba iakren bad U Bah Johny Lyngkhoi, uba na katei ka shnong, u iathuh ba katei ka jingmih jong kitei ki puit, ka dei kaba ki leit lap, dang mynta ka sngi bad u la iathuh ba kitei ki puit, ki la bam lut ia ki sla kait, ki bam ruh ia ki synsar bad kumjuh ruh ia u traw sop iing.

U bah Johny, u iathuh ba kitei ki puit, ki dei kiba dang shu pait na pylleng bad ki dei ruh kiba dang thngan bha, ha kaba ki bam lut kat kaba ioh.
Ka jingbam jong kitei ka la pynjulor shibun ia u synsar bad ia ka kait, kaba ki thung ha katei ka lyngkha, la ong shuh U Bah Johny, haba iakren bad U Rupang.