“Synshar ka All In All Di-Mak Kharab ha District Council”

Umsning 22’lyngkot:
“Don ki paralok jong nga kiba ong ia nga ba ha KHADC mynta la synshar ka AIADMK, nga la lyngngoh nga nangmut kumno kumta ka seng jong ka Jayalitha kaba don shaphang shathie ka ri India ka la don hapoh District Council, haba nga kylli bha –nga samrkhie ba u la pynshai ba AIADMK ka mut ki All In All Di-Mak Kharab” ong u Dr.Jemino Mawthoh General Secretary ka UDP ha ka jylla uba dei ruh u MLA ka Nongthymmai haba kren ha ka jingialang paidbah ne ka General Council jong ka UDP Umsning Circle kaba la long ha Auditorium , Umsning. U Dr.Jemino u la ong ba mynta ym ithuh ithaw shuh hapoh District Council naba la shu ia khleh jaktung.
Ha kate ka jingialang u la ong ruh ba ka UDP ka la ailad ia kiwei pat ki Party ban lamkhmat ia ka bor synshar ha KHADC hynrei mynta ka kynti ka la dei ka por ba kan shim ni noh ban lamkhmat ia ka EC ha District Council. “Mynta ngi la don bun ngut ki MDC ha District Council, ngi la ailad ia kiwei pat ki Party bad ka la dei ka por ba ngin shim noh ia u shabi ka bor synshar, lada kiwei pat ki MDC ki sngewthuh ngin hap ban shim noh-ki la don bun ki MDC bad ki MLA shimet kiba la pynsngew ha ngi ba ki la kwah ban phai noh sha ka seng UDP mynta” ong shuh shuh u Dr.Jemino haba kren ha katei ka jingialang paidbah ka UDP da kaba bynrap ruh ba ia ka rai kaba ia de ibad ka District Council yn shim beit da ka Party UDP ym da ki MDC.