Synreit U Lat ialade, da ka um kyntang ha Aitnar

Shillong, 13 Naitung:
Ha ka sien ba nyng kong, ba U Lat ka Jylla, un hiar madan ban leit shim bynta ha ka jing lehniam bad kyrsum lang ha ka jing rakhe jong ka jinglehniam Behdein khlam, kaba dei ruh ka sngi kut mynta ka sngi.
Ha katei ka jing rakhe ia ka sngi pynkut mynta ka sngi, U Lat, VN Shanmugunathan, ula hiar hi dalade ban synreit ia ka um kyntang, ha Aitnar, ha kaba la pdiang sngewbha ia u, da U President ka Sein Raij, U Ma OR Challam ha ryngkat bad ki nongialam jong ka Sein Raij. Ym tang katta, U Chief Justice jong ka Meghalaya High Court ruh, U Dinesh Maheshwari, u leit lem ban synreit ialade da katei ka um kyntang jong ka jinglehniam Behdeinkhlam.
Ym tang katta, U Deputy Commissioner jong ka West Jaintia Hills, U Arun Kembhavi, u leit hiar hi dalade ban shad ha madan lem bad ki paidbah nongshad jong ka jinglehniam Behdeinkhlam, ha kaba ula shad kumba shiphew minit eiei.