Shillong:Khlem da peit kynhun jaitbynriew ne niam u Bah Michael Kharsyntiew, hadien ba u la dep ban sam ki lad jingïarap kum ki blanket, ki marbam sha ki katto katne ki Shnong ba sah tang da ki jaitbynriew Khasi, hapoh ka 17 North Shillong Constituency, u la leit pat ai jingïarap sa ïa kiwei pat ki shnong.
Kum uwei na ki kyrtong u ban sa mihkhmat ban ïakhun ïa ka ilekshon Meghalaya Legislative Assembly ha u snem 2023 na kane ka Konstitwensi, u Bah L. Michael Kharsyntiew u la leit pat ban ïasyllok sa bad ki Seng Longkmie ka Jail road police reserve.
Ha katei ka jingïakynduh lang bad ïasyllok u Bah Kharsyntiew u la ïoh ban ai jingïarap synniang pisa ha ryngkat lang bad ki blanket sha baroh lang ki 123 tylli ki longïing. “Kitei ki longïing kiba bun hi dei ki jong ki Seng Longkmie ka police reserve. Ki don ruh kiba sah ha ki quarter bad ki lok kiba trei Pulit.
Ïa kane ka prokram lah pynlong lyngba ka jingïabeit kine ki seng kynthei,” ong u Bah Kharsyntiew.
U la ïathuh ba ki longïing kiba u la ïoh ban nohsynniang ki kynthup lang ki jaitbynriew Khasi, Garo, Rabha, Mizo, Manipuri, bad kiwei kiwei.
Ha katei ka prokram la ïadonlang ki samla kiba pule ha ki kyrdan bapher bapher.
Ko khasi bad garo wat ia biet blanket bam ne Pisa kine baroh kim long ei ei ha ka san snem wat ia dei tad ia ialade
Absolutely nothing but the truth.. It’s a damn known fact that we must get out of this herd cattle class mentality..We need statesman not blankets so there must be a blanket ban or a ban on freebies by the ECI.