Syier ki doktor, ba wan poi sa ka Delta Plus, ioh pang 40ngut; dei ka khlam corona, kaba kham shyrkhei

Ki don mynta 40 ngut kiba la ioh ia ka jingpang khlam corona, lane ka jait jingpang Delta plus, ha kaba ki stad doktor, ki ong ba ka dei ka jingpang kaba ki sngewkhia shibun bad ba ki ai kyrteng da ka jingpang, kaba ki sngewkhia lane variant of concern (VOC).

Katei ka jingpang, la lap ha Maharashtra, Kerala bad ha Madhya Pradesh, ong ka tnat ka koit ka khiah ka sorkar India, mynta ka sngi.
La iathuh ba ia katei ka jingpang, la lap ha Maharashtra, Kerala bad Madhya Pradesh, ha kaba ki don 40ngut kiba la ioh haduh mynta. La bthah ia kitei ki lai tylli ki jylla, ba kin pynkhlain ia ka jing peit bniah halor ka jinglong jingman jong katei ka jingpang, ong ka khubor.

Ka India, ka don mynta ka sngi, ia 50,581 ngut kiba ioh pang ha ki 24 kynta ba ladep. Kiba don ha ka jingpang, haduh mynta, ki don 6,43,194 ngut bad kaba duna duh ha ki 82 sngi ba ladep. Kiba iap, ki don 1,358 ngut bad baroh kiba iap, ki la poi sha ka 3.9lak ngut na kane ka khlam corona virus.