Shillong: Ka FKJGP Riwar Mihngi circle ka la kam ba ka jingdon jong ka jing kieng thew ne weight bridge hapoh ka shnong Erbamon hajan ka jingkieng Dawki, ka la buh jingma ia ka iaid ka ieng jong ki paidbah bad ka wanrah ruh ka jingbym shngain na ka bynta ki kali kiba ieng hapoh jongka, khamtam eh ka jingbun ki kali bad ki trok ba iaid ba ieng man la ka sngi.
Ka seng ka la dawa ruh na ki bor sorkar ba dei ban pynkynriah noh ia kane ka weight bridge sha kawei ka jaka, kaba kham shngain bad kham kylluid ban lait na ka jingma jong ki paidbah.
U Information secretary ka FKJGP Riwar bah Edenfield Khonglam ha ka kyrwoh, u la ong ba ka jingkhim palat ka surok kala wanrah ia ka jingsahkut kali kaba jur, ka jinglong pynnoh ha ka jaka pynieng kali bad ka jinglong khongdong hapoh kane ka jaka, ka wanrah ka jingma ia ki kali kiba pynieng hapoh kane ka weight bridge. U la ong ruh ba kaba kham mynsaw eh ka long hi ia u paidbah nongiaid nongieng hajan kane ka jaka.
Na ka liang ka seng ka kwah ba ka weight bridge kaba don mynta hapoh kane ka shnong ka dei ban pynkynriah noh mardor shawei pat sha ka jaka ba long shngain na bynta uba bun balang.
Phi don ban ong eiei?