Sumar ei ha Iooksi

Shillong, 10 Lber:
Ka Kopili Hydro Electric People Affected People Association (KHEPAPA) West Bank ha ryngkat ka jingiatrei lang bad ka NEEPCO Umrangro ka la pynlong ia ka jingsumar ei ha ka Shnong Iooksi Kyan-mynsar Thlongmoo, West Jaintia Hills District. Ha kane ka sngi la ia don ryngkat lang u General Manager, Deputy General Manager, u Senior Manager ka HR department, ki doktor bad ki nongtrei ka NEEPCO Umrangro bad u General Secretary, u President jong ka seng KHEPAPA West Bank bad ki dkhot jong ka.
Shuwa ban sdang ka jingsumar rei ka la don ka jingialang lyngkot ba la pyniaid da u President ka seng u ma Dapbiang Lapasam bad la ioh jingkren na ki heh jong ka NEEPCO.Ha katei ka jingsumar ei ki la poi da ki spah ngut ki briew ba wan na kylleng ki shnong kiba marjan bad katei ka Kopili Hydro Electric Plant jong ka NEEPCO ,ong ka kyrwoh ba la pyllait da u General Secretary Ioanis Manar.