Shillong, Nailur 11: Ka Mynken Christian Higher Secondary School, Ri-Bhoi District kaba la mihkhmat ïa ka jylla Meghalaya sha ka lympung ialehkai U-17 boys’ Subroto Cup 2024 ha nongbah New Delhi ka la shah rem noh ha ka jylla Manipur ha ka jingïakhun ba khadduh (final) ka ba la long mynta ka janmiet sngi balang.
Ka jylla Manipur ka la ioh rah ia ka nam lahduh ha kane ka jingialehkai subroto-Cup U-17 ba la pynlong ha nongbah New Delhi hadien ba ka la pynliem da 5-4 kol pyrshah ia ka meghalaya lyngba da ka penalty shootout.
Ha kane ka jingialehkai ba la long mynta ka sngi la sakhi, ba ka jylla Manipur ka la thep da 1 kol bad hadien kumba katto kattne minit eiei shwa ban kut kapor ka Meghalaya ka la ioh ban pynphai da 1 kol lyngba u Banpliebok ka ba la ai mynsiem ia ki nongkyrshan, hynrei hadien ka penalty ka jylla meghalaya ka la shah rem noh da 5-4 kol.
Kum ban shu kdew hangne ba ka meghalaya ka la rung sha ka final hadien ba ka la pynliem kput ïa ka Arunachal Pradesh haduh 7-0 kol ha ka semifinal myn ha ka Lah Sngi U Blei ka 09 tarik Nailur 2024.
Phi don ban ong eiei?