Suba ia ki ANVC(B), ba iap 3

Shillong, 29 Nailar:
Katba kum ka jing ai khubor jong U Nokma jong ka shnong Oragitok, ki pulit jong ka Tura, ha ryngkat bad U CN SAngma, MCS, ADC, Tura, ki la leit sha katei ka shnong bad ki la lap ia lai tylli ki met iap, ha kaba la teh pyrdet ia ki kti jong kitei kiba iap bad sa ki dak kuli, kiba don ha kitei ki met iap baroh lai tylli.
Ha ka jingtohkit, la tip, ba uwei na kiba iap, u dei U Grindar T Sangma, uba 25snem ka rta, uba na ka shnong Samanda Metapgre bad utei u dei u dkhot barim jong ka ANVC (B ) bad u dei ruh, uba la wad da ki pulit jong ka William nagar.
Ka don ka jing khein, ba ki dkhot jong ka ANVC(B), ki dei kiba don kti ban pyniap ia kitei ki lain gut bad la sngewthuh ba ka jingpyniap, ka long namar ba ki don ki dkhot, kiba pyrshah ia ka jinglong nongialam jong U Bernard N Ma rak, uba la tip kum U Rimpu Marak. U Director General of Police, ula bthah ia ki pulit CID, ba kin tohkit halor katei ka jingjia.