Suba ba set ka sorkar ia ki katto katne tylli, ki kam ha East Jaintia hills district

Shillong: Ka KSU East Jaintia hills District Unit, ha ka 6 tarik u Lber 2024 ka la pan jingshai na u Deputy commissioner ka district uba dei ruh u Chairman ka District AYUSH Society ka district halor ka jingsuba bym pyllait ia ki katto katne tylli ki kam kiba kynthup naduh ki post jong ki Ward Boy, Ward Girl,
Sweepers, Cook, Chowkidar, Jamandar, Peon bad kiwei kiwei kiba dei ban pynbna paidbah, ka ka jingpynbna ba la pynmih da u DM HO ha ka 15 tarik u Rymphang 2024. Ka seng ka la pan jingshai bad la buh jingkylli ba hato ia kum kine ki post yn set noh ne kin sa khot pat da kawei ka advertisement. Ka seng ka suba ba ka la don ruh ka shithi na u Commissioner ka Health department ka sorkar jylla ba la bthah ia ki DC kiba long ruh ki shongknor ka District AYUSH Society ki ban leh iakaba donkam ban pynbeit halor ka recruitment bad iakane ka notification lane circular ym shym la don ha public domain ban shai shuh shuh halor katno tylli ki posts lah bthah ban khot.

Haba pan jingshai na u DC, u la ong ba un hap ban ia phylliew jingmut shwa bad u DMHO ka district uba dei ruh u member secretary ka society halor kane bad yn sa shim ka rai. Ka seng kan buddien halor kane ka jingkhot thep kam khnang ba kan long kaba khuid bad kaba sngur khlem don kano kano ka niew shiliang ha baroh ki kam.