Suba ba rahbor ki nongtuh ia U Bodywell

Nongstoin, 09 Nohprah:
Ki kynhun runar kiba la rahbor ia u bah Bodywell Puwein naduh ka 4 tarik mynta u bnai na ka shnong Riangsieh West Khasi Hills, kila pyllait noh ia u mynta ka sngi ha kapor 1 baje janmiet ha kawei ka jaka ha ka shnong Nongrathaw bad u tei u rangbah u la wanphai iing ha ryngkat ka met kaba koit ba khiah khlem ka jingshah pynmynsaw iathuh ka tyllong khubor bala ioh lum.
Shuh shuh ka tyllong khubor ka iathuh ruh ba katei ka jinglait noh u tei u rangbah na ka kti jong kitei ki kynhun runar  la suba jur ruh ba na ka liang jong ki baha iing u tei u rangbah kila dep ban leit siew ia katei ka pisa bala dawa da kitei ki riew runar hynrei ym shym la tip pat ba kano ka pisa ba kila dep leit ban siew sha kitei ki runar.Ha kaba iadei bad kitei ki kynhun runar na Garo na ka liang jong ki pulit ka WKHD kila suba jur ba kitei ki kynhun runar bala rahbor ia utei u rangbah la sngewthuh ba kim shym la dei satia kiba don ha kano kano ka kynhun lehnoh hynrei ki dei tang ka kynhun nongthuh nonglute bad napdeng jong kitei ki runar don ruh u wei u khasi  u ba la pyndonkam ban kren da ka ktien maram ha katei ka kam rahbor ia utei u rangbah.Shuh shuh la ioh jingtip ruh katkum ka tyllong khubor ba u tei u rangbah ha ki 6 sngi bala shah rahbor u la shah set ruh ha kawei ka khlaw Ahshlong kaba don ha ki thain Mangsang police Out Post East Garo Hills tad haduh  haduh ka sngi ba un da lait noh .
Na ka liang jong ki pulit kin nym shong thait hynrei kin iai pynlong ka jingthwet bad ban khynra khnang ban lap ksai bad ioh kem ia kitei ki ba don kti ha katei ka kam rahbor bad ha kaba iadei bad katei ka bynta na ka liang jong ki pulit kila dep ban register case pyrshah ia kitei ki kynhun nongtuh nong lute.