Shillong: U Director ka tnad ka koit ka khiah, haba iakren bad ki lad pathai khubor, u iathuh ba ka don ka jingsuba ba ka briew kaba la khlad myn hynnin ka sngi ha NEIGRIHMS hospital, na ka jingpang Covid-19 ka lah ban dei kaba iabit na ki briew ki ba wan na jingkhawai shongkurim na Greenwood Resort.
Na ka liang u Dr War, u iathuh ba haduh mynta kin dang bun ki briew kiba iakynduh bad ki briew kiba la leit ban shim bynta ha ka jingkhawai iathoh shongkurim ki dang lait na ka contract tracing.
Na ka liang u Dr War u la ong ba kam dei kaba suk ban wad ia ki briew kiba la ia kynduh bad ki briew ba long covid positive, hynrei ban lait na ka jingiabit ia kiwei pat ki briew, ki dei ban shim ka jingkit khlieh ban mih sha khmat bad ban leh ia ki test ban pyntikna ba ki lait na kane ka jingpang.
Kane ka longkmie kaba la khlad na ka jingpang Covid -19 myn hynnin ka sngi ka dei ka ba sah ha Barapathar bad ka dei kaba la 68 snem ka rta.La rah ia kane ka briew sha NEIGRIHMS Hospital ban phah sumar hadien ba ka la ud shitom ba ka shem shitom ban ring bad pynhiar mynsiem.
La iathuh ba ka la leit ban phah sumar ha Civil Hospital ha ka 22 tarik u Naitung 2020 bad namar ba ka la shitom jur na ka jingbym lah ban ring mynsiem, la pynkit noh ia ka sha NEIGRIHMS Hospital bad ha kane ka hospital ki la leh ia ka test RTPCR test bad la shem ba ka don ia ka jingpang Covid-19,hynrei ha ka mied jong ka sngi palei kane ka longkmie ka la khlad noh na kane ka jingpang ha katei ka jaka sumar.
Phi don ban ong eiei?