Suba ba don bom, lap ki BSF da ki T.20hajar

Shillong, 13 Rymphang:
Uwei u shipai BSF u la lap ia kawei ka pla kaba i don jingsuba sniew kaba la ieh ha jaka jong ki shipai BSF ha Umpling, Shillong. Utei u shipai langrut uba la tip kyrteng kum u Narendra Kumar na ka 123 Bn tang mar ia iohi ia katei ka pla u la pyntip sha Controll Room ki BSF bad mar mar ki shipai ki la poi ryngkat ki ksew sma bom bad ki la pynkhreh ruh ia ki tiar pynlip bom, hynrei haba kitei ki ksew ki la dep sma la lap ba ym don eiei hapoh pla hynrei ki don tang ki kot ki sla ryngkat bad ka pisa T.20 hajar tyngka.
Na ki kot ki sla ki shipai ki la lap ba katei ka pla dei kaba long trai da u Anup K bad la aiti noh sha u ia kitei baroh kiba don hapoh pla, la aiti ha ryngkat ka jingdonlang jong u Dr.Sabu A Joseph , Deputy Inspector General bad Principal Staff Officer jong ki BSF Ftr HQtr, Meghalaya. U Anup (trai) u dei uba ju rung ju mih hapoh jaka ki shipai BSF namar ka jingiadei kam jong u –u dei u kynja kontraktor na Guwahati, Assam.