Sputnik, ka dawai pynjem ia ka khlam corona, lap ka Russia

Ka Russia, ka la lap ia ka dawai, kaba lah ban pynjem ia ka khlam coronavirus. Ia kane la iathuh da U Vladimir Putin, jong katei ka Ri bad la ai kyrteng ia katei ka dawai, ‘Sputnik’ kaba dei ka kyrteng jong u satellite ka Soviet.

U Kirill Dmitriev, uba peit ia ka tnat RDIF sovereign wealth fund, u iathuh ba ka Russia, ka la ioh ia ka jing tyrwa na ki 20 tylli ki Ri, na bynta shi billion tylli ki dawai.

Haba kren ha katei ka jing pynbna paidbah ia ka dawai, U Putin, u iathuh ba ia katei ka dawai, la shna da ka Gamaleya Institute, ha Moscow bad u ong ba ka dawai, ka long ka bym don jingma “Nga tip, ba ka trei kam bha bad nga la pyndih ia kawei na ki khun kynthei jongnga bad ka la biang lut ruh ia baroh ki kyndon jong ka koit ka khiah” ong U Putin.