Shillong: Ka Langsning ka la pynliem ia ka Nangkiew Irat da 4-1 kol ha ka jingiakhun jong ka lympung Shillong Premiere League kaba long myn hynnin ka sngi ha madan Polo, Shillong.
Ia ka Langsning la thep da u Kitboklang Pale (16), Ebormi Buam (43), Fullmoon Mukhim (56) bad u Donborlang Nongkynrih (81) katba ia ka Nangkiew Irat la thep da u Barmanroy Nongsiej (85).
Ha ka jingialehkai ka 1st Division, ka Marbisu ka la shah pylliem ha ka Imson da 0-3 kol. Ia ka Imson la thep da u Meban Shylla (21), Welbok Iawphniaw (48) bad u Oversharp Iawphniaw(84).
Ha ka jingialehkai ka 2nd Division, ka Raitsamthiah ka la shah pylliem ia ka Nongthymmai da 1-2 kol. Ia ka Riatsamthiah lah thep da u I Kshiar (80), bad ia ka Nongthymmai lah thep da u Mat Makri (16) bad Samborlang Nongbsap (26).
Ha ka 3rd Division, ka Mawreng ka la iakhaid bad ka umphyrnai da 1-1 kol. Ia ka Mawreng la thep da u B D Sohlang (44) bad ia ka Umphyrnai la thep da u Nongseibok Rani (70+1) da ka kol bakla hi.