Shillong:Ha ka jingiakhun kaba ar jong ka lympung Shillong Premier League 2023 ba la ialeh ha SSA Stadium, Polo hynnin ka sngi, ka Nangkiew Irat SC ka la lah ban pynliem ia ka Sawmer SC da 2-1.
Ka kol kaba nyngkong jong ka Nang kiew Irat la ioh ban thep da u Shaibor Nongrum ha ka minit kaba 62 bad ba la ai jubab noh da u Diego Khriam jong ka Sawmer ha ka minit kaba 70, hynrei ha ka minit kaba 83 u Shaibor u la ioh biang ban thep ia ka kol kaba ar ka ban rah ia ka nam jop ia la ka kynhun.
Ha ka jingiaid jong ka jinglehkai la iohi ba u Banshanlang Nongdhar jong ka Nang kiew u la ioh ia ka lad ban pyrshang ha ka minit kaba 23 bad tang hadien 2 minit u M Nik hil Raj u la ioh ban kynjat tyngeh sha pyr shah ka jar hynrei u goalkeeper jong ka Saw mer u Pyrshangban bha Dkhar u la lah ban kyndat noh sha jngai ia ka bol. Na ka liang jong ka Sawmer u Gamelial Kharlyngdoh u la ioh ban pyrshang ha shuwa ban kut ka kylla step hynrei um shym la lah ban pynrung shapoh ka jar. Hynrei na kane ka kynhun u Diego u la lah ban pyniaryngkat, watla ka dei tang katto katne por, da kaba u la ioh ban rah ia ka bol na ka phang ka mon bad kynjat tyngeh na kyn dong jong u post bad rung beit beit shapoh ka jar ia kaba la ap da u Vanlalhriata Chhangte.
Wat la ka Sawmer kam shym ioh kamai poin eiei ha ka jingia khun hynnin ka sngi, hynrei ka la ialeh kai bha hadien ba ka la ioh ban wanphai biang sha ka SPL mynta ka sa moi, kumta ka dang donkam ban pynkhreh bha na ka bynta ka jing lehkai ha ka kylla kaba ar. Ka jingiakhun kaba bud jong ka SPL 2023 kan long biang ha ka sngi thohdieng ha pdeng ka Shillong La jong FC bad ka Lang sning FC naduh ak por 3 baje janmiet.
Phi don ban ong eiei?