Shillong: Ha kaba kut jong ka jinglehkai, hynnin ka sngi jong ka lympung Shillong Premier League 2023, ka Ryntih SC ka la kiew biang sha ka kyrdan kaba saw hadien ba ka la lah ban pynliem noh ia ka Nangkiew Irat SC da 3-1 ba la ialeh ha SSA Stadium Polo.
Ha ka kylla step, ka Nangkiew Irat ka la ioh ban lamkhmat shuwa ia ka jinglehkai da ka jingioh pynkhih jar nyngkong u Banshanlang Nongdhar ha ka minit kaba 16 bad lehse lah ban ong ba kane ka kylla ka la dei tang jong ka Nangkiew ha ka jingioh thep kol.
Hynrei haba la sdang ka kylla miet ka Ryntih ka la shim ia kane ka kylla ban khyllie ia la ka jinglehkai da ka kol kaba nyngkong jong u Banehskhem Khongsdam ha ka minit kaba 55 bud sa u Andy Mawthoh ha ka 73 minit bad kaba lai la thep da u K Lalrosanga ha ka 83 minit.
SC hynrei da ka jingiapher ha ka jingioh kol da +6 na ka +1. Ka Nangkiew Irat pat ka dang neh ha ka kyrdan kaba hynniew kaba ieng lang bad ka Nongthymmai da 3 poin.
Ka kol kaba nyngkong ka la long da ka jingpyllait bakla ia ka bol kaba la leit beit beit sha ka kjat jong u Banshan uba la hap ban iakhun tang bad u Frolicson Dkhar uba la ap ia la ka jar bad da ka jingpynkiew ia ka bol sha kyndong jong ka jar u Banshan u la ioh da kaba suk ban thep ia ka kol jong u.
Ka la shim por ia ka Ryntih tang kumba 10 minit hadien ba la lah ban pyniaryngkat noh ia ka jinglehkai da ka jingai bol jong u Andy sha u Banehskhem uba la pyntyllun ia ka bol beit beit sha pyrshah u nongap ka Nangkiew bad rung jlang shapoh ka jar ba la ap da u Rihoklang Khongjoh. Ka kol kaba lai jong ka Ryntih ka la long da ka kornar kick ba la thep da u Lalrosanga.
Ka jingiakhun kaba bud jong ka SPL 2023 kan long mynta ka sngi hapdeng ka Nongthymmai SC pyrshah ia ka Mawlai SC naduh ka 3 baje janmiet.
Phi don ban ong eiei?