Shillong:Ha ka jingiakhun hynnin ka sngi, ka Langsning FC ka la ioh ban khur ia ka jingjop kaba nyngkong jong ka ha ka lympung Shillong Premier League 2023 da kaba pynliem ia ka Nangkiew Irat SC da 4-1 ba la ialeh ha SSA Stadium Polo.
Ki kol jong ka Langsning ki la long lyngba u Maxderidoff Wahlang ha ka minit kaba 7, Kitboklang Pale ha ki minit ba 20 bad ba 24 bad u Ambilstar Sun ha ka 73 minit. Ka Nangkiew pat ka ioh tang kawei ka kol ia kaba la thep da u Flavius Lalruatkima ha ka 63 minit.
Ha shuwa ka jing iakhun hynnin ka sngi, ka Langsning ka la mad ar sien ka jingshah rem ha ka Shillong Lajong FC and Mawlai SC. Ka Nangkiew pat ka la shah rem ar sien kynthih ha ka Nong thymmai SC hynrei ka shu ioh noh ban lum 3 poin ha ka jingjop kaba nyngkong jong ka pyrshah ia ka Sawmer SC.
Hadien ba ka jing pyrshang kaba nyng kong jong ka Lang sning kam shym la seisoh, u Maxderidoff u la shim ka lad ban pyr shang da kaba kynjat itynnad bha ia ka bol kaba la suh beit beit lyngba ki nongialeh ka liang pyrshah kiba bun hakhmat jong ka bad kam shym la ailad ruh ia u nongap uba la rynsied ban kem ia ka bad rung jlang tang ha ka minit kaba hynniew.
Ka kol kaba ar ka la long hadien ba ka Langsning ka la ioh ia ka free-kick kaba la wan beit beit sha u Kitboklang uba la ieng lypa hapoh ka bok bad khlem jingbakla u la pyndei tiak ban pyn rung ia ka bol sha poh ka jar. Tang hadien saw minit, haba u Banteilang Lyngdoh ula ioh ban rah ia ka bol hapoh ka bok jong ka Nangkiew bad pas sha u Kitboklang uba la pynap ia la ka jat-diang ban pynrung ia ka kol kaba ar jongu.
Na ka liang jong ka Nangkiew, u Abhi shek Verma ula ioh ban pyrshang ha ka kylla step hynrei ka bol jong u ka la suh beit beit sha ka kti u nongap kol ka Langsning u Surjay Kumar Pariyar.
Hadien katei ka jingiakhun, mynta ki la don lai tylli ki kynhun kiba ioh mar 3 poin – kata- ka Langsning, No ngthymmai bad Nang kiew Irat.
Namar ba ka SSA Stadium kan pdiang ia ar tylli ki jingiakhun jong ka I-League 2023-24 ha ki sngi ban wan, kumta ka SPL 2023 yn pynsangeh shuwa shi por tad haduh ba kan bteng biang naduh ka 8 tarik Iaiong ha kaba ha katei ka sngi ka jing iakhun kan long ha pdeng ka Ryntih SC pyr shah ia ka Rangdajied United FC naduh ka por 3 baje janmiet.
Phi don ban ong eiei?