Sospon ka JHADC 7ngut ki Dolloi & 3 ki Acting Dolloi

Jowai, 25 Risaw:
Ka JHADC mynta ka sngi ka la pynmih ia ka hukum ban sospon ia ki 7 ngut ki Dolloi bad 3 ngut ki Acting Dolloi bad ha ka juh ka por ka la thung ia ki Acting Dolloi ha ki katto katne ki Elaka bad ha ki katto katne pat la aiti hi ban khmih shipor ha ka Administrative Officer ka JHADC.
Ka JHADC ka la thung ia u Atiar Bamon kum u acting Dolloi ha ka jah u ma Manbha Kyndoh, ia u Bnai Dkhar ha ka jaka jong u Dolloi Chawas Lyngdoh Raliang Elakaia u Prospol Samati ha ka jaka u Dolloi Copiusness Daw jong ka Nongjngi Elaka, ia u Allosius Shilliang-am ha ka jaka u ma Oldwing Shadong jong ka Bataw-Lakadong Elakabad ia u ma Patric Pala kum u acting Dolloi ha ka jaka u Erodit Sutnga jong ka Sutnga Elaka uba la shah sospon.
Katba ia ka Shangpung Elaka bad Jowai Elaka la aiti ha ka Administrative Officer, ka JHADC ban peit shipor kumjuh ia ka Elaka shangpung la aiti ha ka Elaka Muskut ha ka Planning Officer ka kong K. Synkon bad ia ka Elaka Nangbah ha u Assistant AO, F Lathong.
Ka JHADC ka la hukum ia baroh ki Dolloi kiba la shah sospon bad shah weng ban pynphai ia ki kot ki sla bad ia ki seal sha kitei ki Acting Dolloi bala thung da ka Council bad sha ka Administrative Officer ka JHADC.