Kane ka Sorkar MDA ka matlah ha baroh ki liang , kam iohi iaki jingeh jong ngi ki paidbah , hynrei ka iohi beit tang ia ka jingmyntoi ialade shimet.
Kine ki myntri sorkar kim pat long kiba bit ban bat iaka shuki Myntri namar bun naki ki dang long khynnah haka liang jongka Synshar Khadar khamtam eh ban peit na bynta ka roi ka kiew jongka Jylla hi baroh kawei .
Bun na kine ki myntri lane ki nongmihkhmat ki shah control ne bat bor hano re hano, namar ba haka por Canvas Election ki ong ngin trei ngin peit iaki jingeh jong u paidbah u duk u suk u kup shiliang sem shiliang, hynrei poi ha kane ka khim khait kim phai wat tang ka khmat shiliang ban leh ei ei noh .
Ki paidbah ki la lut ka miet ka iong na bynta jong ki haka por election hynrei mynta pat wat tang iwei i jing angnud ne jingkwah ki jong ngi ki paidbah ban pynhiar noh iaka Petrol bad Diesel , namar kane ka lah ktah shisha ia ngi ki paidbah, ki Nongrep, nongkhaii, nongshong iew, kiba leit bylla , kiba leit skul ba leit trei Office bad Shibun kiwei kiwei ki kam ka leit thied leit pet bad kumta ter ter ngi lah sngew kutlad shisha kum ki paidbah bad ruh ngi shem jingeh Shibun namar ha u Snem 2020 ngi lah shong ing da ki bnai mynta wan sa kane ka jingeh ba ka Sorkar shisha kam pyrkhat wat tang shi jaw ka ummat jong ngi ki paidbah nongshong Shnong jongka Jylla Meghalaya. Ngam tip ki don dohnud aiu? Namar ialade ki ioh bun ka pisa ki biang lut, hynrei u paidbah bapli ba pynshong shuki iaki ba kin wanrah jingbha pynban ngi ioh iaka jingma ba shyrkhei ngi mad mynta ki Sngi.
U Myntri Rangbah jong ngi wat tang shi kyntien um nud ban kren ne um kwah ban kren halor kane u phah kyntur beit ha u Symbud Myntri Rangbah namar u sngewthuh ba ialade un lait ban kynnoh la i thik kumba u Bah Prestone u dei u Myntri Rangbah ka Jylla, hato shano ki buh iaka bor bad ka iktiar ba lah ai pynkhamkti ha ki. Ngi iohi ba kane ka Sorkar ka dang lung shisha ban shim ia kane ka yngkor kaba khia ban tynrong iaka khia ka shon u paidbah ka Jylla Meghalaya, hoid wat lada u Nongialam u long u ba lah kham ih haka kam sain pyrthei hynrei kynduh bad kine ki party riewlum kim ailad ia u da kumwei pat na kata ka daw u hap ban pynhun iaki bad ruh u hap ban pynbiang iaki jingkwah ka jongki lem kumta kin sa mih noh naka Sorkar, dei na kane ka daw ka Jylla jong ngi ka hiar arsut bad don ki kruin napoh kiba long ki khun jynrein, ki ieit ri pynban ki die iala ka ri , dei hangne ba u paidbah u hap ban sngewthuh noh nangne sha khmat um dei shuh ban biej ia kine ki party Riewlum namar kim don bai kheng ban thaw Sorkar ban bsa iaka Jylla baroh kawei bad ruh km lah ban pyn urlong iaki jing angnud jongki paidbah ka Jylla.
Ko Sorkar Matlah to sngew to sngap iaka jingpyrta jong ngi ki paidbah nongshong Shnong jongka Jylla Meghalaya.
Khublei Shibun
Samla Kitdorius Dkhar,
Nongdewsaw,
Umsning, Ri-Bhoi District.
Ka dei ka jingshisha kumba ong ma phi Bah Kit Dkhar
Kaba dei eh kane te Ka Jingshisha namar kine ki MLA khunlung (ma kyrmen sniawbha dhar lahkmen hamlet Conrad bad kumta Ter Ter) kim pat tip iaka bneng bad khyndew Jong Ka pungktieh ahor ba jakhlia Ka saiñ pyrthei Tedei na kane Ka daw ki ia leit ban ia kyrsum klumar lang ha kane Ka juh Ka pung. Dei hangne ba sa klumar Ka lieng ki nong iapom
Ka dei shisha kumba rwai uto u nongrwai”ko nongmih khmut ko nongmih khmat mih tang ka khmat ka skhor kyllut” la dei kum kane ka sorkar kyllut mynta.