Soi tuh ki 5 ngut, ia ka jingsoi kyrteng U MR ka Assam, ki ioh sei pisa ei na Bank

San ngut ki briew na Uttar Pradesh, ki la lah ban soi tuh ia ka jingsoi kyrteng jong U Sarbananda Sonowal, myntri rangbah ka Assam bad kitei ki la ioh sei pisa ruh na ka pla iarap jong u myntri rangbah lane ka Chief Minister’s Relief Fund. Kitei ki san ngut, ki dei na Gorakhpur bad Basti jong ka Jylla Uttar Pradesh. La wan kit mar mar ia ki hynnin ka sngi sha Guwahati, ban tohkit bniah.

Ka ophis u myntri rangbah, ka la lap ia ka jingduna pisa, na katei ka pla iarap u myntri rangbah bad ia ka jingiaid bakla ka rukom pynlut pisa bad kumta la tohkit mar mar ia katei ka jingjia, ha kaba la lah ban lap ia ki nongleh bymman, hapoh 15 sngi. Ka Rosie Kalita, ka la ujor ejahar, ha ka 12tarik Nailar 2020 bad ha ka jingtohkit, la lap ba ki cheque, kiba sei tuh, ki dei kiba na Haryana bad Uttar Pradesh. Ha ka jingtohkit, na kitei ki men thok, ki iathuh ba ki dei kiba ju mlien ban sei pisa tuh, na kiwei ki jylla ruh, da kaba ki ju pyndonkam ia ki jingsoi kyrteng jong kiwei.