Soi ka sorkar bad ka NIAC, ia ka bynta ba-ar jong ka MHIS

Shillong, 5 Jymmang:
Ka sorkar Meghala ya mynta ka sngi ka la ia soi thymmai ban sdang pyntreikam noh ia ka bynta ba-ar jong ka Meg halaya Health Insurance Scheme (MHIS) da kaba ia soi bad ka kompeni New India Assurance Company Ltd. Ia ka jing iatehlok bad katei ka kompeni ka sorkar ka la ia soi mynta ka sngi ha nongbah Shillong ha kaba na ka liang ka sorkar la soi dau bah MR Synrem, IAS, CEO, Megha Health Insurance Scheme bad u Secretary ka tnad Health and Family Welfare bad na ka liang ka kompeni la soi da u bah L. Buam, Sr. Divisional Manager, New India Assurance Company Ltd, ha kaba la ia donlang ki myntri bad ki heh sorkar jylla. U bah Syn rem u la ong ba katei ka bynta ba-ar jong katei ka skhim ka kynthup ia kiba bun jait ki jait jingpang ban sumar ia ki kynthei bad ki khynnah, bad kan iarap ruh shibun ia ki longing longsem da kaba pynduna ia ka jingsiew ba ki hap ban siew. La ong ba la jied ia katei ka kom peni napdeng ki 10 tylli ki kompeni kiba la thep kyrteng ban ia teh lok ban pyntreikam ia katei ka skhim. Lah ban kdew ba ia katei ka skhim la pyn treikam ha kane ka jylla ha u snem 2012 ha kaba la ong ba ki paidbah kin ioh ia ka jingsumar ei ka ba hapoh ka T.1 lak tyngka.