Shillong: Kawei na ka team ba radbah jong ka Indian Super League (ISL), ka Kerala Blasters ka la soi ia u Kenstar Kharshong na ka club Shillong Lajong.
Une u rangialeh dien ba dang 21 snem ka rta u la long u rangialehkai jong ka Kerala Blasters Reserves team kaba lehkai ha ka 2nd Division League ha ka samoi ba ladep.
“Ka Kerala Blasters ka ladep ban soi ia u Kenstar Kharshong na ka Shillong Lajong. Kin hap siew sha ka Lajong na ka bynta ka undisclosed fee,” iathuh ka khubor jong ka club. La sngewthuh ruh ba la soi ia une u rangialehkai ba dang samla na ka bynta 3 snem.
U Kenstar Kharshong u la kiew ha ka jinglehkai phutbol naduh ba u jop ha ka U-18 I-League na ka Lajong’s youth team ha u snem 2017. Ha ka samoi ba wan,u la lehkai na ka I-League ryngkat bad ki player 1st team bad u la lehkai 11 tylli ki mstch, kaba kynthup ia ki jinglehkai kaba jop pyrshah ia ka Indian Arrows, NEROCA FC bad ka Aizawl FC. Ha u snem 2018-19, u la lehkai ha baroh ki match bad u la pynjop ia ka club pyrshah ia ka Aizawl, Punjab FC bad ka Churchill Brothers.
Ha u snem 2019-20 u la sdsng ban lehkai bha bad u la lamkhmat ia ka lajong ban khur ia ka khusnam ha ka Shillong Premier League (SPL). La ithuh ia u kum u rangialehkai dien uba tbit tam.
Phi don ban ong eiei?